Jakobus 1:2-3
“Ag dit louter vreugde, my broeders,
Wanneer julle in allerhande versoekinge val,
Omdat julle weet dat die beproewing
Van julle geloof lydsaamheid bewerk.”
Jakobus 1:2-3
Terwyl Jesus ‘n nuwe verhouding met God aan Sy volgelinge bied,
Stel Hy dit duidelik dat hulle aan versoekings onderwerp sou word
En tye van beproewing sou deur maak. Deur teenspoed en beproewings groei ons deur die genade.
Ons leer om God beter te verstaan en te vertrou. Daarom word ons aangemoedig om ons te verbly wanneer teenspoed oor ons pad kom, want deur elke beproewing leer ons meer van God se grootheid.
Ons geloof sal versterk word sodat ons tot die einde toe sal kan volhard. Ons sal Christus se onpeilbare liefde vir ons elke dag van ons lewe ervaar.
